كشفت الفنانة منال الصديقي نجاتها من حادث تسرب للغاز بلطف من الله، الذي جعل قطها سببا في استمرارها على قيد الحياة اليوم، وذلك عبر خاصية الستوري على حسابها بموقع تبادل الصور والفيديوهات انستغرام.
وكشفت الصديقي تفاصيل الواقعة وكيف نجت منها، مدونة “كارثة لولا اللطف الإلاهي، هدشي اللي غادي نقولكم، وقعلي دابا.. كانت غادي توقعلي فاجعة دابا وربي لطف بسيناريو إلاهي” .
وتابعت “انا ديما فالليل مع ديك التسعود ولا العشرة كنسد الشراجم ديال الدار كلهم، والبرسيانات، والبالكون ديال بيت الجلاس، أما الكوزينة كنشد الباب ديالها ولكن يا إما كنخللي البلكون ديال الكوزينة مفتوح، أو كنسد الزاج ونخلي الشرجم مفتوح.. اليوم مع العواصف بزاف والشتاء سديت كولشي وحتى الباب دالكوزينة، نضت دابا نعس وفيا الدوخة والردان قديت بلاصتي بزز، وقبل مانتخشى فالفراش قلت نقلب على واحد القطيوط صغيور نعسو معيا باش مايبردش مالقيتو حمقت كنقلب وبزز واقفة قلت يمكن فالكوزينة”.
وأضافت “حليت الباب وانا نشم ريحة الغاز قوية، فتحت البالكون باش نفس الكوزينة ومشيت نشعل الضو، مللي قلبت البوطة لقيتها مفتوحة وهي طافية، عاد سديتها، وعاد عرفت السبب ديال الدوخة والردان بسبب الغاز المسرب، ربي عمل السبب أني نقلب على القط ومانلقاهش باش نفتح الكوزينة اللي اصلا هو مافيهاش وانتكشف البوطة مفتوحة ونسدها..اما كن راهي الصفحات كاملة فالصباح تعلن الوفاة ديالي بسبب تسرب الغاز…”.
وأردفت قائلة “بغيت نشارك معكم هد الكارثة اللي ربي حفظني منها وكنبغي عمر جديد فيها والسبب إلاهي اللي نقذني من موت محتوم فهد الليلة… قبل ما تنعسوا حاولوا تتأكدوا من البوطة مقفولة والشارجور ماشي فالضاو ، أو بعيد على الفراش.. وباب الزنقة مسدودة.. عاد نعسوا في رعاية الله..”.
يذكر أن منال الصديقي قد عادت عبر مقطع مصور على الانستغرام موجهة رسالة شكر طويلة لكل من سأل عنها أوجرب الإطمئنان عليها بعد واقعة تسرب الغاز.
